“Asnjë investim në 30 vite”, banorët e lagjes "Bashkimi": 200 metra rrugë, e kanë lënë gropa-gropa
Nga OraNews Përditësimi i fundit 14 Mars 2021, 13:52
Banorët e lagjes "Bashkimi" në Vlorë thonë se thuajse 3 dekada demokraci në zonën ku jetojnë nuk është bërë asnjë investim. Kryebashkiaku Dritan Leli e deputetët që kanë votuar, thonë se i kanë parë vetëm në kohë fushate.
Mungesa e infrastrukturës vijon të mbetet problem shqetësues për vendin e njohur si zona e Hekurudhës, në Vlorë.
Banorët shprehen se nuk ka patur asnjë ndërhyrje e investim prej 30 vitesh.
Rruga me gropa dhe mungesa e ndriçimit vështirësojnë jetesën e banorëve, të cilët e shohin situatën shumë shqetësuese.
"Është e pakalueshme, gropa-gropa."
"Asnjë investim, për 200 metra rrugë merojnë dynjanë."
Mungesa e konteniereve për mbeturinat detyron banorët që të gjendur në situata të tilla t’i hedhin mbetjet vend e pa vend.
"Nuk ka pasur ndonjëherë, jemi komplet të vdekur këtu."
Banorët akuzojnë se autoritetet qeverisëse i kanë harruar plotësisht.
"Nuk kanë ardhur asnjëherë këtu."
Për rehabilitimin total të lagjes do të duhet të presin ende pasi në buxhetin e vitit 2021 nuk ka asnjë plan për ndërhyrje.
