"Nga ti s'më mungoi asgjë, unë ta përmbusha ëndrrën", Çiljeta mesazh prekës për humbjen e të atit
Nga OraNews Përditësimi i fundit 2 Shkurt 2021, 20:36
Këngëtarja, Çiljeta Xhilaga, ka gjetur forcën për të shkruar dy fjalë zemre për të atin të cilën e humbi për shkak të Covid.
Përmes një postimi prekës në Instagram, këngëtarja shprehet e lumtur që të paktën i përmbushi ëndrrën sa ishte gjallë, të qënit gjysh.
Siç ajo tregon, ditët e fundit të jetës, kur sëmundja u rëndua, ai reagonte vetëm kur këngëtarja i përmendte emrin e të birit.
Prej ditësh, babai i këngëtares shqiptare, Çiljeta Xhilaga ishte i infektuar me Covid-19, dhe në gjendje të rëndë shëndetësore. Ndërsa ditën e sotme, ai humbi betejën me virusin e vdekjeprurës.
