Pika kufitare Gaza-Egjipt hapet për 4 ditë
Nga OraNews Përditësimi i fundit 1 Shkurt 2021, 17:39
Pika kufitare Rafah midis Egjiptit dhe Rripit të Gazës nën bllokadën e Izraelit u hap në të dyja anët vetëm për 4 ditë për rrethana të jashtëzakonshme.
Ministria e Brendshme dhe Ministria e Sigurisë Kombëtare e Palestinës njoftuan se kanë filluar udhëtimet me autobus në dy drejtimet e pikës kufitare Rafah midis Egjiptit dhe Gazës.
Gjithashtu u njoftua se kufiri i hapur për rrethana të jashtëzakonshme do të jetë i hapur nga sot deri më 4 shkurt ditën e enjte.
Pika kufitare Rafah u mbyll në mars 2020 për kalime dydrejtimëshe për shkak të masave mbrojtëse kundër COVID-19, por ndonjëherë hapet pjesërisht për funksion disa ditorë.
