Sherri i shqiptarit me nigerianin "mban peng" trenin për një orë
Nga OraNews Përditësimi i fundit 1 Shkurt 2021, 07:31
Një konflikt mes një shqiptari dhe një nigeriani “ka mbajtur peng” për rreth një orë trenin.
Ngjarja ka ndodhur në Itali, në stacionin e Rufinas, Firenze, ndërsa për fat të mirë nuk u raportua për persona të lënduar.
Sipas mediave italiane, në këtë incident u përfshi një 20-vjeçar shqiptar dhe një 32-vjeçar me origjinë nga Nigeria.
Ata filluan të debatonin për arsye banale, ndërsa sherri bëri që treni të qëndronte i bllokuar për gati një orë.
Është dashur ndërhyrja e disa pasagjerëve të tjerë për të qetësuar situatën.
Policia mbërri në vendngjarje dhe mori në pyetje dy protagonistët për të bërë të mundur zbardhjen e ngjarjes.
