BOOM - Pas aksidentit 66-vjeçari përfundon në intubim, ekspertiza nxjerr fajtor shoferin, gjykata e lë të lirë

Nga OraNews Përditësimi i fundit 27 Janar 2021, 19:39

Emisioni BOOM ka publikuar momentin e një aksidenti të ndodhur në Durrës në datën 14 dhjetor 2020, kur drejtuesi i një mjeti që po ecte indietro ka përplasur shtetasin Menduh Koçi. 

Familja e zotit Koçi erdhi në redaksinë e BOOM për të bërë denoncimin.

Vajza: Babai ka qenë tek ai lokal se ne jetojmë këtu. Piu kafen, mori biçikletën dhe pastaj vjen një makinë e zezë dhe e mori 30 metra. Policia ka ardhur pas 30 minutash. Mjekët më kanë thënë që babai është në gjendje të rëndë."

Në seancën e pare gjyqësore prokurori Arben Sharra i ka kërkuar Gjykatës kohë për të bërë të mundur administrimin e akteve të ekspertimit mjeko-ligjore dhe autoteknik.

Akti i ekspertimit Autoteknik shprehte se në këtë rast fajtor është drejtuesi i mjetit.

Edhe pse ky akt ekspertimi ka qenë gati 4 ditë para seancës  gjyqësore  prokurori nuk e ka është paraqitur në gjykatë.  

Vajza: Prokurori ka kërkuar 30 ditë burg, ndërsa gjykatësja i ka dhënë 10 ditë. Pastaj është lënë në arrest shtëpie. Ne kemi dyshime se avokati nuk e ka mbrojtur çështjen e babait. ajo na ka thënë se nuk ka dosje, po si ka mundësi kur ne i kemi dhënë prokurorën?!

Më pas gjyqtarja e çështjes  ka vendosur lirimin e menjëhershëm të drejtuesit të mjetit dhe caktimin e masës se sigurimit ‘Arrest në shtëpi.

Avokatja: Ai duhet të na jepte dosjen, por s'ma kanë dhënë. Ata duan të heqin qafen. Avokati nuk shkon 50 herë aty. Kanë të drejtë mos të ta japin dosjen. Shkojmë pyesim a e kanë bërë dosjen.

Avokatja e çështjes pas takimit që bëri me Prokurorin shprehet se ai është i përlyer në këtë çështje. 

Prokurori: Çdo procedim do kohën e vet dhe kjo do 15 ditë. Unë jam zbatues i ligjit. Avokatja nuk eka marrë dosjen, e ka bërë kërkesën.

Avokatja: Ai është përlyer, ka përfituar.

Sipas  mjekëve gjendja shëndetësore e 66-vjeçarit Menduh Koçi është shumë e rëndë dhe paraqet rrezik për jetën. 

Edhe pse mjekët shprehen se 66-vjeçari është i intubuar dhe në rrezik për jetën ka dyshime të arsyeshme se po tentohet që të manipulohen faktet sepse në përshkrimin e gjendjes së tij shëndetësore  thuhet se ai është jashtë rrezikut për jetën.