Kosova miraton planin 222 milion euro për rimëkëmbjen ekonomike
Nga OraNews Përditësimi i fundit 16 Janar 2021, 11:57
Kryeministri i Kosovës, Avdullah Hoti, tha se Qeveria miratoi programin për rimëkëmbjen ekonomike për vitin 2021.
Hoti përmes një postimi në Facebook ka treguar se programi përfshin vlerën e 222 milion e 400 mijë euro, të cilat do të shërbejnë për vazhdimin e shtesave në Shëndetësi, polici dhe dyfishimi i asistencës sociale.
"Qeveria ka miratuar Programin për Rimëkëmbje Ekonomike për vitin 2021, në vlerë prej dyqind e njëzetë e dy milionë e katërqind mijë euro (222,400,000.00)
Në kuadër të këtyre masave, midis tjerash përfshihen:
- 6.5 milion euro për të Vetë Punësuarit
- Vazhdimi i Shtesave në Shëndetësi
- Vazhdimi i Shtesave në Polici
- Dyfishimi i Asistencës Sociale
- Rritja e Pensioneve për 30 euro, për të gjithë pensionistë që marrin më pak se 100 euro."
