VIDEO/ Vllaznia me hap kampioni, zhyt Kukësin në krizë; Teuta s’gabon përballë Bylisit

Nga OraNews Përditësimi i fundit 15 Janar 2021, 19:49

Java e 14 e Kategorisë Superiore ka nisur pasditen e sotme me dy sfidat Kukësi-Vllaznia dhe Teuta-Bylis.

Shkodranët arritën një tjetër fitore duke thelluar diferencën me ndjekësit dhe duke hedhur kandidaturën zyrtarisht për titullin kampion.

Skuadra e drejtuar nga Brdariç triumfoi në “Elbasan Arena” 0-1, falë golit të Arlind Kalasë në minutën e 58.

Me këtë tre pikësh Vllaznia ngjitet në kuotën e 32 pikëve, ndërsa thellohet kriza te Kukësi që mbetet në kuotën e 17 pikëve.

Goli i Vllaznisë:

Në sfidën tjetër, Teuta fitoi pastër 2-0 përballë Bylis duke e mbajtur në -9 pikë diferencën me Vllazninë.

Për durrsakët shënuan Vila (’28) dhe Gruda (’66).

Nesër në 13:45 luhen sfidat e tjera:

Skënderbeu-Partizani

Tirana-Kastrioti

Apolonia Laçi.

/a.r,OraNews