Dyshohet se strehoi në Tiranë 50 emigrantët, arrestohet 60 vjeçari
Nga OraNews Përditësimi i fundit 9 Janar 2021, 21:50
Një 60 vjeçar i identifikuar si Fatos Dusha dyshohet se ka strehuar në Tiranë emigrantët e kapur dje në Vjosë.
Burime nga Policia e Vlorës për Ora News, bëjnë me dije se identifikimi i 60 vjeçari është bërë i mundur nga dëshmitë e emigrantëve.
Sakaq vijojnë hetimet për persona të tjerë të përfshirë.
Tre persona janë shpallur në kërkim nga policia e Vlorës, pasi rezultojnë të jenë njerëzit që do transportonin me gomone nga Shqipëria në drejtim të Italisë, rreth 50 emigrantë sirianë.
Misteri në Vlorë: Kush i nxori nga deti njerëzit që kishin marrë përsipër transportin e 50 sirianëve
Rreth 50 klandestinë nga vendet në konflikt u shpëtuan mbrëmjen e 8 janarit 2021, pasi qëndruan për rreth tre orë në det të hapur në tentativë për të kaluar ilegalisht me gomone drejt Italisë nga një grup trafikantësh
Mjeti lundrues mbeti i bllokuar për disa orë në grykëderdhjen të Vjosës ku u ndërhy nga forcat shqiptare që sipas burimeve u njoftuan përmes një telefonate se po rrezikoheshin të mbyteshin në kushtet kur forca e detit ishte deri në 5 ballë.
