Vdes miliarderi kinez i lojërave, u helmua me çaj
Nga OraNews Përditësimi i fundit 29 Dhjetor 2020, 18:58
Një manjat kinez, i cili vdiq në ditën e Krishtlindjeve, dyshohet se është helmuar nga një bashkëpunëtor I tij.
Sipas Daily Mail, Lin Qi, 39 vjeç, ishte kryetari dhe shefi ekzekutiv i zhvilluesit të lojërave Yoozoo, më i njohur për lojën strategjike Game of Thrones: Winter Is Coming.
Deklarata e policisë së Shangait tregoi se një nga kolegët e Lin, i identifikuar vetëm nga mbiemri i tij Xu, është si i dyshuari kryesor.
Pasuria e Lin vlerësohej se arrinte në 1.3 miliard dollarë, sipas së hartuar nga "Hurun China".
Ai themeloi Yoozoo në vitin 2009 dhe drejtoi me sukses kompaninë gjatë një periudhe ku industria e lojërave pa ndryshime thelbësore drejt lojërave për celularë.
Sipas raporteve të mediave lokale, personi në paraburgim mund të jetë Xu Yao, i cili kryeson departamentin e prodhimit të filmit të Yoozoo.
Ndërkohë disa media të tjera raportojnë se, Lin mund të jetë helmuar përmes një lloj çaji, pije kineze e fementuar.
