Do shkonin të vizitonin vajzën, Aksidenti tragjik u merr jetën çiftit në Fier
Nga OraNews Përditësimi i fundit 28 Dhjetor 2020, 08:10
Një çift bashkëshortësh humbi jetën si pasojë e një aksidenti tragjik në aksin Levan-Qarr në Fier paraditen e 28 dhjetorit 2020.
Pashkë Malçi, dhe Ndue Preçi, përkatësisht 61 dhe 62 vjeç udhëtonin me makinë në drejtim të Qarrit kur mjeti doli nga rruga e përfundoi në kanalin kullues.
Aksidenti sipas policisë u shënua rreth orës 07 20 minuta.
"Sot rreth orës 07:20, në vendin e quajtur "Kthesa e Qarrit", automjeti tip "Toyota" ka rënë në kanalin me ujë anës rrugës" informoi policia.
Bashkëshortët që jetonin në Tiranë mësohet se po shkonin për vizitë tek vajza e tyre në fshatin Qarr.
Por në kthesë, mjeti Toyota doli nga rruga dhe përfundoi në kanalin e tejmbushur nga uji për shkak të reshjeve të ditëve të fundit.
Mbushja e mjetit me ujë u ka marrë jetën çiftit, pasi dëshmitarët e parë në vendngjarje i kanë gjetur të gjallë, por në pamundësi për të thyer xhamin, kanë mbetur të bllokuar.
Lexo dhe: “Viktimat i binin xhamit me grushte, donin të dilnin”, flet banori: Makinën e tërhoqa me zetor
Banorët e zonës ngrenë alarmin se kjo pjesë e rrugës është e rrezikshme dhe në vazhdimësi aty janë shënuar aksidente.
Siç tregojnë pamjet kthesa është e fortë ndërsa në krahun e kanalit kullues mungojnë barrierat anësore
Lexo edhe:
EMRAT/ Burrë dhe grua, identifikohen dy viktimat e aksidentit në Fier
