“Ta kam sjellë një…”, Blunt i Shaolin Gang ka një gjë për Roza Latin
Nga OraNews Përditësimi i fundit 12 Dhjetor 2020, 18:00
Shaolin Gang njihen si grup legjendar muzikor, ku Blunt dhe Zhita bashkëpunojnë prej rreth 20 vitesh.
Me gjithë këtë eksperiencë, dhe me boom-in e ndjekësve në rrjetet sociale, ata i kishin lënë mënjanë intervistat televizive.
Por, u rikthyen në “Why Not” me Roza Latin, në Rtv Ora. Djemtë nuk erdhën duarbosh, ata kishin marrë edhe dhurata surprizë për moderatoren dhe autoren e programit, e cila e ka deklaruar shpesh se është fanse e tyre dhe i ka ndjekur në çdo koncert.
“Ta kam sjellë një minifund po m’duket”, i tha Blunt Rozës, dhe si me çdo gjë që e ekzalton, Roza e ndau menjëherë emocionin me nënën e saj, aktoren e humorit, Rita Lati.
“Maa shife, maaaaa”, iu drejtua ajo nga ekrani.
Në fakt “minifundi” ishte një bluzë me stampën e logos së Shaolin Gang. Duke marrë parasysh diferencën fizike mes tij dhe Rozës, Blunt e quajti me humor “minifund” dhuratën e tyre.
Ata kishin sjellë dy albumet “Tululu” dhe “Tululu II” që i nënshkruan për Rozën.
