U skualifikua nga gara për Gjykatën e Lartë/ Administrativja rrëzon vendimin, KLGJ bën rekurs
Nga OraNews Përditësimi i fundit 25 Nëntor 2020, 12:46
Këshilli i Lartë Gjyqësor ka vendosur të bëjë rekurs për vendimin e Gjykatës Administrative për gjykatësen Saida Dollani.
Kjo e fundit u skualifikua nga KLGJ në garën për Gjykatën e Lartë por Administrativja ka vendosur të shfuqizojë këtë vendim duke e rikthyer në garë.
VENDIMI:
1. Pranimin pjesërisht të padisë së paditëses Saida Dollani.
2. Shfuqizimin e vendimit të Këshillit të Lartë Gjyqësor Nr. 268/6 datë 07.08.2020 “Për mospërfshirjen e znj. Saida Dollani në listën e kandidatëve për ngritjen në detyrë në Gjykatën e Lartë, për katër pozicionet e lira në fushën e të drejtës penale, të shpallura me vendimet nr. 241, nr. 242, nr. 243 dhe nr. 244, datë 09.07.2020 të Këshillit të Lartë Gjyqësor”.
3. Lejimin e kandidimit për ngritjen në detyrë në Gjykatën e Lartë të paditëses Saida Dollani për tre pozicione nga katër pozicionet e lira në fushën e të drejtës penale, të shpallura nga Këshilli i Lartë Gjyqësor sipas vendimeve 241, nr. 242, nr. 243 dhe nr. 244, datë 09.07.2020 duke urdhëruar palën e paditur Këshilli i Lartë Gjyqësor të vijojë procedurat për paditësen për tre pozicione të lira, sipas preferencës së paditëses kandidate, ose në mungesë, sipas renditjes së tyre.
4. Rrëzimin e padisë për pjesën tjetër të objektit.
5. Shpenzimet gjyqësore në ngarkim të palës së paditur.
6. Kundër vendimit lejohet rekurs në Kolegjin Administrativ të Gjykatës së Lartë brenda 30 ditëve duke filluar ky afat nga dita e nesërme e komunikimit të vendimit të arsyetuar.
Kujtojmë se Këshilli i Lartë Gjyqësor e skualifikoi nga gara znj. Dollani ndërkohë që Apeli i Gjykatës Administrative i dha të drejtë dhe e rikthye në garë.
Aktualisht Gjykata e Lartë është me 3 anëtarë nga 19 që duhet të ketë gjithsej, dhe prej kohësh është edhe pa kryetar pas vendimit të KLGJ për të larguar nga detyra Ardian Dvoranin.
