“Nuk kanë parë asnjë investim që në kohën e Enverit”, fshatrat që bashkia e Beratit kujtohet vetëm për vota
Nga OraNews Përditësimi i fundit 21 Nëntor 2020, 13:23
Rruga që lidh, fshatrat Rabiak, Lodhishten, Karkanjozin, dhe Tomor në Berat, është në gjëndje të mjerueshme.
Me automjete të vogla, është mjaft vështirë dhe pothuajse e pamundur të kalohet, për shkak të gropave.
“Rruga është shumë e keqe, me gropa dhe është shumë e vështirë të kalosh”, shprehen banorët.
Më të rinjtë thonë se s’kanë parë kurrë një investim në këtë rrugë.
“Që kur kam lindur unë kurrë nuk kam parë asnjë investim . I bëj thirrje bashkisë për të verë dorë e të bëj investime, se kjo është një zonë që ka shumë lëvizje”, shprehen banorët.
Më të moshuarit kujtojnë ndërhyrjen e realizuar para vitit 1990, në sistemin e shkuar, dhe që atëherë nuk është venë dorë.
“Ruga është shumë e keqe, akoma është rruga e bërë nga Enver Hoxha, gjithashtu edhe dritat”, shprehen banorët.
Thonë që drejtuesit e Bashkisë Berat shkojnë vetëm per vota në fshat, ndaj apelojnë që askush të mos shkojë që të kërkojë më votën e tyre.
“Në zonën tonë vijnë sa për vota, ju lutem shumë mos hajdeni më për votime”, shprehen banorët.
Mungesa e aksit rrugor në këto fshatra dëmton rëndë edhe ekonomitë familjare, pasi sipas banorëve prodhimet bujqësore nuk i shesin dot për shkak të mungesës së transportit.
