Duke luftuar me jetën në shtratin e spitalit, burri me Covid kafshohet nga kobra
Nga OraNews Përditësimi i fundit 20 Nëntor 2020, 16:38
Një burrë i cili ishte duke luftuar me jetën pasi ishte infektuar nga Covid-19 u kafshua nga një kobër ne Indi.
Si pasojë e kafshimit ai mbeti i verbër dhe i paralizuar.
Ian Jones, po punonte në një fshat në veriperëndim të Indisë kur u kafshua nga kobra helmuese, bazuar nga një faqe e GoFundMe e cila u hap nga kolegët dhe familja për të mbledhur para për kostot e tij mjekësore dhe transferimin e tij për në Mbretërinë e Bashkuar.
Jones nga ishulli i Wight në brigjet jugore të Anglisë, ishte në Indi duke drejtuar ndërmarrjen shoqërore, Sabirian, e cila ndihmon zejtarët lokalë që jetojnë në varfëri.
Britaniku ka qenë në kujdes intensiv që kur pësoi pickimin, duke shtuar problemet e tij shëndetësore të lidhura me COVID-19.
“Në atë kohë Ian po luftonte tashmë me një fazë të dytë të COVID-19, pasi i mbijetoi një sulmi të mëparshëm në mars, kur kafshimi i gjarprit i çoi gjërat në një nivel krejt të ri ashpërsie”, sipas faqes në GoFundMe.
