Tritol në banesë, 69-vjeçari nga Vlora për Ora News: Kujtova se ishte tërmet
Nga OraNews Përditësimi i fundit 30 Tetor 2020, 08:52
Tahsim Banushaj, 69-vjeçari nga Vlora në banesën e të cilit mëngjesin e sotëm shpërtheu një sasi tritoli ka rrëfyer në një intervistë për Ora News se, është një njeri që nuk ka konflikt me askënd.
Sipas 69-vjeçarit, ai ka punuar për shumë vite si kasap, ndërsa shpërthimin e tritolit e ka pandehur për tërmet.
Ai deklaron se është njëri pa probleme dhe gjatë gjithë jetës ka parë punën e tij.
Ai rrëfen se për shumië vite ka punuar si kasap në tregun e madh të qytetit, ndërsa shpërthimin e orës 03:16 e ka dëgjuar por ka kujtuar se është tërmet. Më pas ka dalë dhe ka vënë re që në portën e banesës kishte patur një shpërthim.
Ai nuk dyshon tek asnjë person, ndërsa shton se fëmijët i jetojnë jashtë vendit por janë pa probleme.
Sipas tij, zona ka kamera sigurie dhe nuk ka frikë pasi nuk ka asnjë konflikt me askënd.
Njoftimi i Policisë për ngjarjen:
“Më datë 30.10.2020, rreth orës 03:16, në lagjen Hajro Çakërri, Vlorë, në pjesën e jashtme të banesës së shtetasit Xh.B., 69 vjeç, ka shpërthyer një sasi e vogël lëndë plasëse, ku si pasojë ka vetëm dëme të vogla materiale.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit“.
