VIDEO/ Verona nën pushtetin e stuhisë, makina nën ujë e qindra pemë të thyera
Nga OraNews Përditësimi i fundit 23 Gusht 2020, 21:38
Rajoni i Venetos në Itali u godit nga një stuhi e fuqishme që shkaktoi dëme të mëdha sidomos në provincën e Veronas, Vicenza e Padova.
Moti i keq ka prekur rajonin prej pasdites së sotme. Verona është zona më e goditur. Përmbytje të rrugëve, makina që notojnë në ujë dhe pemë të rrëzuara në tokë.
Ora News ju sjell video ekskluzive.
Zona të ndryshme të qytetit u dëmtuan, duke nisur nga qendra historike deri në Veronetta, një zonë që është goditur vazhdimisht nga stuhitë edhe javët e fundit.
Stuhia u shoqërua dhe me breshër kokërr madh që mbuloi rrugët me një mantel të bardhë, ndërsa rrugë të tjera uji kaloi mbi një metër e gjysmë
Zjarrifikësit raportojnë për mbi 500 pemë të rrëzuara. “Fatmirësisht nuk ka pasur të lënduar në njerëz dhe kjo mund të jetë një mrekulli” thonë zjarrfikësit.
