Kjo ide gjeniale mund të shpëtojë mijëra jetë shoferësh
Nga OraNews Përditësimi i fundit 25 Mars 2016, 17:20
Siguria në rrugë ka mbetur një sfidë për shoqërinë moderne pavarësisht mjeteve të ndryshme teknologjike të avancuara.Çdo drejtues mjeti është vënë më parë në një situatë ku i është dashur të parakalojë një kamion gjigant. Automjetet e mëdha shpesh herë bllokojnë pamjen e rrugës para, duke u kthyer në burim aksidentesh për makinat e tjera.Fatmirësisht inxhinjerët e Samsung kanë vërtetuar se ky problem mund të zgjidhet lehtësisht duke instaluar kamera dhe ekrane speciale prapa kamionëve.Kjo teknologji i lejon shoferët të kenë një pamje të plotë dhe të qartë të situatës së trafikut para kamionit, duke siguruar që ata të veprojnë siç duhet dhe të mos ndërmarrin rreziqe.“Kamionët e sigurisë” do të kenë kamera me wireless para dhe 4 ekrane kundër ujit dhe pluhurit në pjesën e prapme të tyre.Sipas Samsung testimi ka qënë i suksesshëm dhe presin që kjo zgjidhje relativisht e lirë të përhapet globalisht në vetëm disa muaj.
/Oranews.tv/
