Fondet marramendëse për Gjermenin, Ministria e Zhvillimit Urban 1 mld lekë për rikonstruksion
Nga OraNews Përditësimi i fundit 3 Dhjetor 2015, 20:03
Në kohën kur qeveria ka shtrënguar dorën për shpenzimet dhe investime dhe kur bizneset janë vënë përpara vështirësive të mbijetësës për shkak të krizës ekonomike, në buxhetin e 2016 janë parashikuar të përdoren 1 mld lekë të vjetra, vetëm për rikonstruksionin e e godinës së Ministrisë së Zhvillimit Urban dhe Turizmit të drejtuar nga Eglantina Gjermeni.Tabelat e detajuara të draft buxhetit paraqesin shpenzimet maramendëse për zyra të reja dhe ambiente më bashkëkohore për dikasterin e Gjermenit.Përvec 1 mld lekë për rikonstruksion janë përllogaritur të shpenzohen edhe 100 mln lekë të vjetra shtesë për blerje pajisjesh informatike dhe pajisjesh zyre.Nuk është hera e parë që qeveritë vendosin për luksin dhe për komoditetin e zyrtarëve të lartë të shtetit dhe shtrëngojnë dorën dhe dërgojnë policinë që të arrestojë berberët dhe këpucarët për kuponin tatimor. Por, në vitet e vështira financiare si ky që po vjen, më balanca të brishta të shumëdebatuara me FMN është gjetur e udhës të rikonstrukturohej ministria e zonjës Gjermeni.Një mld lekët e rikonstruksionit dhe 100 mln për pajisjet janë renditur në zërin e shpenzimeve kapitale, aty ku klasifikohen shpenzimet publike që normalisht duhet të shkojnë për shkolla, rrugë dhe spitale.
