Ndërpreu fotot e dasmës në plazh, nusja infermiere përpiqet t’i shpëtojë jetën një të mbyturi
Nga OraNews Përditësimi i fundit 22 Shtator 2015, 22:42
Një infermiere e re është titulluar “nusja më e bukur” nga mediat kineze pasi u përpoq t’i shpëtonte jetën një burri.Guo Yuanuan, 25 vjeçe, po bënte fotografitë e dasmës në plazhin Dalian, në verilindje të Kinës, kur dëgjoi që një burrë ishte mbytur.Ajo vrapoi menjherë në vendngjarje dhe u përpoq t’i shpëtonte jetën burrit duke i bërë edhe frymëmarrje artificiale.Pavarësisht përpjekjeve të saj më të mira, ai vdiq.Dëshmitarët thanë se e dalluan burrin, i cili mbeti i paidentifikuar, që kërkonte ndihmë në det.Disa notarë arritën ta nxirrnin jashtë atë, por kur doli nga uji ishte pa ndjenja. Në atë moment nusja me fustan dasme , Guo u afrua menjherë. Ajo për gati 20 minuta bëri të pamundurën për ta shpëtuar, por pa rezultat.Dëshmitarët e duartrokitën vendosmërinë e nuses infermirere për ta shpëtuar.
