Tentativë vrasjeje në Tiranë, plumba makinës në “Hoxha Tahsin”, 1 i plagosur
Nga OraNews Përditësimi i fundit 24 Korrik 2015, 15:51
Një 26 vjeçar ka mbetur i plagosur pas një debati të çastit në një nga rrugët më të populluara në Tiranë.
Xhevahir Shabani, 26 vjeç nga Miloti ka mbetur i plagosur rëndë, pasi është qëlluar me armë nga dy persona me të cilët ka debatuar më parë.
Të dhënat paraprake nga policia flasin për dy autorë. Rreth orës 14 e 47 minuta, në kryqëzimin e rrugës "Hoxha Tahsin", pranë një lokali, dy persona me motor janë afruar pranë një mjeti duke qëlluar mbi drejtuesin e tij.
26 vjeçari ka mbetur i plagosur ndërsa autorët janë larguar me motor nga vendi i ngjarjes.
I plagosuri u dërgua në spitalin e traumes ku iu nënshtrua një ndëryrje kirurgjikale.
Identifikohet targa e motorit -Në kapjen e autorëve është përfshirë dhe policia rrugore e cila falë dëshmive ka mundur të siguronte informacion mbi llojin e mjetit si dhe targën e tij.
Policia leviz makinen nga vendi i ngjarjes- Në orën 15:00 policia lëzivi makinën nga vendngjarja për të mos prishur provat hetimore pasi kanë nisur disa pika shiu.
LEXO: I arrestuari për vrasjen në Linzë, i dyshuar edhe për plagosjen në “Hoxha Tahsim”
