Sërfisti britanik përshkruan 15 sekondat më të vështira të jetës mbi dallgën 9 metra të lartë
Nga OraNews Përditësimi i fundit 28 Qershor 2015, 19:37
Këto foto tregojnë momentin e pabesueshëm kur sërfisti britanik, Tom Lowe, 32 vjeç i bëri ballë një dallge gjigande në Meksikë.Bëri hedhjen e jetës së tij, siç e quan ai, por e përshkruan si “një ferr i vërtetë” momentin kur u hodh nga sërfi në ujë.Zhytja e Tom konsiderohet si një nga më të bukurat e kapura me kamera. Ai shpëtoi vetëm me disa prerje të vogla dhe gërvishtje në ato që i konsideron si 15 sekondat më të vështira të jetës së tij.Ai tha: “Padyshim ishte rënia e lirë më e gjatë që kisha bërë ndonjëherë. Plani nuk ishte që të bija, nëse do e kisha përshkuar dallgën me sërf atëherë kjo do të ishte fantastike. Nuk stërvitem që të hidhem, por ndonjëherë nëna-natyrë të detyron të bësh gjëra që nuk mund t’i kontrollosh”.Tom do të marrë një çmim për këtë hedhje.
