Ngjitet në harkun më të lartë të stadiumit të Uemblit, 135 m
Nga OraNews Përditësimi i fundit 9 Qershor 2015, 13:24
James Kingston u bë personi i parë që u ngjit në 135 metra lartësi, në harkun më të lartë të stadiumit anglez Uembli.24-vjeçari nga Romsey, Hampshire, ishte me fat që nuk bëri qoftë edhe një lëvizje të gabuar. Me një kamerë që e mbante me vete, ai fotografoi pamje të mrekullueshme nga Londra, si dhe fushën e stadiumit poshtë tij.Në një intervistë pas ngjitjes ai tha: “E kisha ëndërr të ngjitesha në majën e Uemblit, që nga dita e parë që e pashë atë 8 vjet më parë, kur u hap stadiumi i ri”.“Është një pikë shumë ikonike, kam qëndruar në majat e ndërtesave në të gjithë botën por kurrë nuk jam ndjerë më në majë se në harkun e Uemblit sot”. James Kingston njihet për arritjet e tij ekstreme, si për ngjitjen në një vinç të lartë 130 metra në Southhampton si dhe në kullën e famshme të Eifelit në Paris, gjë për të cilën u arrestua nga policia.Ai gjithashtu është ngjitur në kullën e dytë më të lartë në Dubai, Princess Toëer. 24-vjeçari jeton me të ëmën e tij, dhe e kalon kohën e lirë duke u ngjitur nëpër antenna të larta radiosh ose vinça.Videot e tij në Youtube kanë arritur më shumë se 11 milionë klikime.“Unë kam qenë shumë i frikësuar nga lartësitë, por sa më shumë ta praktikosh diçka, aq më e lehtë bëhet. Është në natyrën e njeriut” thotë Kingston. 
