Lirohet gazetari francez nga burgu në Irak
Nga OraNews Përditësimi i fundit 15 Shkurt 2013, 08:38
Iraku ka liruar një gazetar francez, disa javë pasi qëndroi në paraburgim me akuzën për marrje të paautorizuar të fotografive në Bagdad. Zyrtarët thanë se Nadir Dendoune dhe përkthyesi i tij u liruan të enjten.Ministri i jashtëm francez Laurent Fabius tha se ishte “i kënaqur” që Dendoune dhe përkthyesi tij irakian Haqi Muhamedi u liruan. Ai tha se diplomatët francezë kishin siguruar lirimin e tyre.Dendoune u dërgua në ambasadën franceze pas lirimit të tij të enjten. Ai së bashku me përkthyesin e tij u arrestuan në Bagdad më 23 janar për dyshimin se kanë fotografuar ndërtesat në të cilat nuk lejohet të fotografohet pa lejet e nevojshme.Më parë, komiteti bazë në Nju Jork për Mbrojtjen e Gazetarëve i ka bërë thirrje Bagdadit zyrtar për lirimin e Dendoune. Ata thanë se, paqartsia në ligjin për mediat në Irak ka krijuar pengesa të panevojshme për të marrë informacion.
