Prince Jackon feston 17 vjetorin
Nga OraNews Përditësimi i fundit 14 Shkurt 2014, 21:55
Ai eshtë djali me i madh i familjes Jackson, i cili kohët e fundit ka arritur që të jetë në qendër të vëmendjes me romancën e tij me Remin, kjo e fundit ishte princesha e Kuwaitit.Por duke qenë se që nga muaji tetor i vitit të kaluar ata nuk janë shfaqur së bashku ne publik, kjo gjë na ka bërë të mendojmë se mbase i kanë dhënë fund romances së tyre.
Pasi janë shkrepur disa fotografi kjo gjë bëhët akoma dhe më e besueshme per ne. Prince Jackson ka festuar ditën e sotme 17 vjetorin e tij dhe jo përkrah të dashurës së tij Remi me të cilën ka ndarë nje romancë për plot 7 muaj.Së fundmi Prince tashmë 17 vjeç është parë përkrah me nje vajze tjetër, identiteti i të cilës ende nuk është bërë i ditur.Ata kishin vënë duart tek beli i njëri-tjetrit dhe pjesën më të madhe të kohës kanë ecur në ketë mënyrë. Identiteti i vajzës së re, e cila qëndroi për një kohë të gjatë e buzëqeshur ende nuk është bërë i ditur.
Përsa i përketë ditëlindjes së tij, Prince nuk ka harruar t`i dedikojë disa rreshta mbretit të popit Michael Jackson, i cili është ndarë nga jeta në moshën 50-vjeçare në vitin 2009. Prince shkroi në twitter:
"Gjithçka që kam sot e kam falë teje. Isha me fat që pata mundësinë te jetoja pranë teje, legjende i cili me ka mësuar që të vlerësojë gjithçka që kam, të jem mirënjohës dhe të falenderoj" .
Më pas Prince ka postuar dhe nje fotografi ku ai shfaqet sëbashku me Michael, por në një moshë shumë të re.
