"Lini gruan dhe fëmijën tim të vdesin"
Nga OraNews Përditësimi i fundit 25 Dhjetor 2013, 08:30
"Lini gruan dhe fëmijën tim të vdesin". Kjo ka qënë deklarata e dhimbshme e 33-vjeçarit Erick Munoz nga Teksasi, bashkëshortja e të cilit ndodhet në gjendje kome.
Gruaja shtatzanë e Erick Munoz ndodhet në gjendje kome pa shpresë rikuperimi që prej Nëntorit, kur pësoi një emboli dhe fëmija i palindur mund të ketë pësuar dëme të parikuperueshme.
33-vjeçari, i cili me të shoqen e sëmurë ka edhe një djalë 1-vjeçar, kërkon që mjekët të shuajnë makinerinë që e mban në jetë gruan, duke e lënë atë dhe fëmijën e palindur që të prehen në paqe.
Megjithatë, ligjet e forta të Teksasit e pengojnë një veprim të tillë, përsa kohë foshnja është ende i gjallë.
"Unë e njoh mirë gruan time dhe e di që nuk do të zgjidhte të jetonte në këtë mënyrë. Nuk jam dakord me këtë ligj", ka deklaruar Munoz.
Kohë më të lumtura: Erick Munoz dhe bashkëshortja e tij Merlise mbajnë në duar djalin e tyre Mateo gjatë 2012-ës.
