Kate Middleton si Marylin Monroe, i ngre era fustanin
Nga OraNews Përditësimi i fundit 21 Nëntor 2013, 07:30
Dukesha e Cambridge Kate Middleton është përfshirë në një moment të sikletshëm gjatë një vizite bamirësie mëngjesin e sotëm.
31 vjeçarja e cila katër muaj më parë solli në jetë Princin George, në ditën e dytë të aktivitetit “Patron of Place2Be”, teksa po merrte një buqetë me lule iu ngrit lart fustani nga era, thuajse si në pozën e famshme të Marilyn Monroe.
E veshur e gjitha në blu, me fund me pala, xhaketë të mbërthyer dhe taka të larta, Kate dukej tejet elegante dhe në formë, ndërsa e menaxhoi me kujdes momentin e “fluturimit” të fustanit, duke evituar ndonjë pozë të padenjë.
Me tualet të lehtë dhe flokët gjysmë të mbledhur nëna e trashëgimtarit të fronit mbretëror është rikthyer denjësisht në ditët e saj të arta, qysh nga lindja e të voglit George.
