RFEF hap dyert e “Qytetit të Futbollit”, strehon familjet e evakuara nga zja*ret në Spanjë
Nga OraNews Përditësimi i fundit 26 Korrik 2026, 13:01
Rezidenca në ‘Qytetin e Futbollit’ në La Rojas (Madrid) do të strehojë familjet e prekura nga zjarret në perëndim të Komunitetit të Madridit dhe në Castilla y León, sipas Federatës Mbretërore Spanjole të Futbollit (RFEF).
"Kjo iniciativë solidariteti po menaxhohet në koordinim të drejtpërdrejtë me Këshillin e Qytetit të Las Rozas, institucionin që po centralizon një pjesë të pritjes së qytetarëve të zhvendosur, si dhe me Mbrojtjen Civile.
Familjet do të zënë dhoma në Rezidencën e ekipit kombëtar, ambiente që përdoren rregullisht nga ekipet kombëtare", raportoi fedeata. Për më tepër, RFEF theksoi se "përparësi do t'u jepet familjeve në situata të cënueshmërisë së veçantë ose emergjencës sociale".
Zjarret në provincën e Ávilës dhe Komunitetin e Madridit kanë çuar në evakuimin e 23 komunave, duke prekur 59.488 persona, dhe izolimin e shtatë të tjerave, duke prekur 29.132 qytetarë, siç konfirmohet nga burime nga Ministria e Brendshme.
Në Komunitetin e Madridit, 12 komuna janë evakuuar: Chapinería, Navas del Rey, Colmenar del Arroyo, Fresnedillas de la Oliva, Robledo de Chavela, Navalagamella, Aldea del Fresno, Zarzalejo, fshati Peralejo, Rozas de Puerto Cedalos dhe Rozas de Puerto Realos. Dhe katër qytete janë nën izolim: San Martín de Valdeiglesias, Valdemaqueda, Villa del Prado dhe Pelayos de la Presa.
Në provincën e Ávilas, 11 qytetet e evakuuara janë Sotillo de la Adrada, Navahondilla, Casillas, Santa María del Tiétar, La Adrada, Piedralaves, Casavieja, Burgohondo, Hoyo de Pinares, Villanueva de Ávila dhe urbanizimi La Atalaya në Tiétar. Ndërkohë, tre qytetet nën izolim janë Navaluenga, El Tiemblo dhe Cebreros.
