Akademia e Shkencave kujton shkrimtarin Milto Gurra

Nga OraNews Përditësimi i fundit 16 Maj 2026, 18:35

Milto Sotir Gurra lindi më 16 maj 1884 në Marjan të Oparit. Ai është një nga figurat më të ndjeshme të letërsisë dhe publicistikës shqiptare të fillim shekullit XX, duke dhënë një kontribut të vyer si një ndër lëvruesit e parë të tregimit.
Me një veprimtari të gjerë në mërgim, duke përdorur pseudonimet “Nomadhi” dhe “Gjon Zeza”, Gurra bashkëpunoi me shumë organe shtypi kombëtare e letrare, duke u bërë një zë i fuqishëm i diasporës shqiptare.

Tregimet e tij pasqyruan dhimbjen e kurbetit dhe dilemën e emigrantit shqiptar mes dashurisë për vendin dhe realitetit të mërgimit. Një përmbledhje me njëzet e dy tregime u botua me titullin “Plagët e kurbetit” në Tiranë më 1938, duke mbetur një dëshmi e gjallë e dramës së mërgimtarëve.

Përveç krijimtarisë origjinale, Gurra solli në shqip klasikët rusë si Tolstoi, Çehov, Gorki e Turgenjev, duke pasuruar kulturën kombëtare me letërsinë botërore.

Milto Gurra dha një kontribut të madh në themelimin dhe drejtimin e revistave letrare si “Shkëndija”, “Zekthi” dhe “Mituria”, përkthimin e veprave të letërsisë botërore për lexuesin shqiptar, si dhe pasqyrimin e jetës së mërgimtarëve në tregime që mbeten referencë e rëndësishme për historinë e letërsisë sonë. Me veprën e tij, Gurra i dha letërsisë shqipe një dimension të ri, duke e lidhur me kulturën europiane dhe duke e bërë pjesë të dialogut ndërkombëtar.

Përkthimet e tij nga letërsia ruse sollën në Shqipëri veprat e autorëve të mëdhenj si Pushkin, Turgeniev, Çehov dhe Gorki, duke ndihmuar në pasurimin e kulturës shqiptare.

Vitet më krijuese të jetës i kaloi jashtë vendit: në fillim në Odesë (Rusi), kurse më pas në Amerikë, Stamboll, Sofje dhe Konstancë. Ai bashkëpunoi aktivisht me shumë organe shtypi kombëtare e letrare. Një përmbledhje e tij me njëzet e dy nga këto tregime është botuar me titullin “Plagët e kurbetit” në vitin 1938.

Milto Gurra ndërroi jetë në Tiranë në vitin 1972.