TË HUAJT BLENË ÇEREKUN E BANESAVE/ BSH: Çmimi i pronave u rrit 28%! Bie koha e shitjes së apartamenteve
Nga OraNews Përditësimi i fundit 28 Prill 2026, 16:47
Të huajt blenë 25 për qind e apartamenteve të dala në treg. Banka e Shqipërisë raporton një rënie të fortë të banesave të pa shitura ndërsa çmimet u rritën me 28 për qind duke kryesuar bregdeti. Sa i përket Tiranës shtrenjtimi mbeti në 4.4 për qind. Megjithatë kërkesa vijon të mbetet e lartë
Çmimet e apartamenteve në Shqipëri gjatë vitit të shkuar njohën një tjetër rritje të lartë. Sipas bankës së Shqipërisë shtrenjtimi shkoi në 28 për qind krahasuar me 2024, ku ka kryesuar bregdeti. Megjithatë Tirana duket se ka njohur një frenim ku çmimet u rritën me 4.4 për qind.
Institucioni qendror financiar thekson se ndërtimi vazhdon të kryesojë në ekonomi, ndërsa ka më pak apartamente të pashitura apo të mbetura stok.
Koha mesatare e shitjes së banesave në rang vendi ra në 9.1 muaj nga 11.6 muaj në vrojtimin e mëparshëm. Në rastin e Tiranës kontrata arrihej brenda 8.1 muajsh nga 11.1 që ka qenë. E kundërta ka ndodhur në zonat bregdetare ku periudha u rrit mesatarisht me një muaj nga momenti i daljes në treg.
rreth 61% e pronave për banim dhe e atyre për përdorim tregtar të shitura prej tyre janë blerë me hua bankare.
Një faktor i rëndësishëm që ka ndikuar në këtë situatë është kërkesa e të huajve që ka njohur gati dyfishim
“Rreth 25% e banesave të shitura janë raportuar të blera nga shtetas jorezidentë. Nga këta, rreth 52% rezultojnë shtetas të vendeve të BE -së”, thuhet në dokument. Më parë kjo kategori zinte rreth 15 për qind të kontratave.
stoku i të gjitha kredive të kolateralizuara me pasuri të paluajtshme ishte 440 miliardë lekë ose sa 48% të totalit
Sipas të dhënave të INSTAT it, gjatë gjashtëmujorit të dytë të vitit 2025 u miratuan 548 leje ndërtimi për ndërtesa të reja, ose 10% më pak krahasuar me gjashtëmujorin e kaluar. Nga ana tjetër Sipërfaqja totale e parashikuar ishte rreth 691 mijë m2 ose 13% më e lartë
Në fund të vitit 2025, depozitat e individëve rezidentë në banka shënonin rreth 1,100 miliardë lekë dhe kredia e tyre arriti në 390 miliardë lekë, ndërkohë që ndryshimet vjetore ishin përkatësisht 10% dhe 19%.
Këto zhvillime rezultuan në një thellim të pozicionit kreditor të Individëve ndaj bankave me rreth 30 miliardë lekë, në nivelin e 720 miliardë lekëve. Raporti ndaj PBB -së i pozicionit kreditor të
individëve ndaj bankave, është rreth 30%. Që nga viti 2023, ky raport ka mbetur pothuajse i pandryshuar, pasi ritmi i zgjerimit të pozicionit neto kreditor të individëve ka qenë i përafërt me ritmin e zgjerimit të PBB-s
Kredia e marrë nga individët për blerjen e pasurive të paluajtshme, që zë rreth 63% të të gjithë kredisë për individët rezidentë.
Tregu i pasurive të paluajtshme rezidenciale ka vijuar të përballet me një kërkesë të qëndrueshme.
Sipas vrojtimit, agjentët e tregtimit të pasurive të paluajtshme raportojnë për ecuri të mirë të vëllimit
Të shitjeve dhe rënie të numrit të pronave të pa shitura. Po ashtu, bankat raportojnë se kërkesa e individëve për kredi për financimin e blerjes së banesave është paraqitur në rritje gjatë periudhës.
Kërkesa nga jorezidentët mbetet e pranishme dhe ka shënuar një rritje relative në raport me kërkesën e përgjithshme, duke qenë se pronat e shitura tek jo rezidentët gjatë gjysmës së parë të vitit zinin rreth 25% të shitjeve të përgjithshme nga një nivel prej 15% në gjashtëmujorin e mëparshëm.
Në fund të vitit 2025, teprica e kredisë për blerje banese ishte 240 miliardë lekë, ose 6% mbi nivelin e gjashtëmujorit të parë dhe 17% më e lartë krahasuar me një vit më parë.
