Sondazhet në Rusi: Popullariteti i Putinit në rënie, niveli më i ulët që nga nisja e luftës në Ukrainë
Nga OraNews Përditësimi i fundit 24 Prill 2026, 16:42
Sipas të dhënave të publikuara nga Qendra Ruse për Studimin e Opinionit Publik (VTsIOM), popullariteti i presidentit Vladimir Putin ka rënë në nivelin më të ulët që nga nisja e luftës në Ukrainë në shkurt të vitit 2022.
Sondazhet tregojnë se mbështetja për të është aktualisht 65.6%, duke shënuar rënie për të shtatën javë radhazi. Në muajin mars, kjo shifër ishte 73.3%.
Megjithatë, edhe me këtë ulje, niveli i mbështetjes mbetet i lartë në krahasim me standardet e vendeve perëndimore.
Që nga fillimi i luftës, në Rusi janë vendosur kufizime të forta mbi median dhe informacionin, gjë që ka bërë që disa kritikë të vënë në dyshim mënyrën se si qytetarët përgjigjen në sondazhe.
Në periudhën e parë të pushtimit, popullariteti i Putinit u rrit ndjeshëm deri afër 80%, ndërsa gjatë shumicës së kohës së luftës ka qëndruar mbi 75%, sipas të njëjtave burime.
