Vr*tet paqeruajtësi francez në Liban/ OKB thirrje për respektim të armëpushimit
Nga OraNews Përditësimi i fundit 19 Prill 2026, 08:33
Sekretari i përgjithshëm i OKB-së, António Guterres, ka reaguar pas vrasjes së një paqeruajtësi francez në Liban, duke e dënuar ngjarjen dhe duke kërkuar ndalimin e sulmeve ndaj forcave ndërkombëtare.
Ngjarja është një nga disa incidentet e fundit që kanë prekur misionin paqeruajtës, ku brenda pak javësh janë shënuar disa viktima.
Nga OKB-ja kërkohet që të gjitha palët të respektojnë armëpushimin 10-ditor që është aktualisht në fuqi në vend.
Më herët, presidenti francez Emmanuel Macron e lidhi sulmin me Hezbollah, duke thënë se të gjitha shenjat çojnë drejt këtij grupi.
Sulmi i mori jetën rreshterit-shef Florian Montorio dhe la të plagosur edhe tre ushtarë të tjerë.
Nga ana tjetër, Hezbollahu ka reaguar duke mohuar përfshirjen në këtë ngjarje.
