FOTO+VIDEO/ ËNDRRA MERR FUND! Shqipëria jashtë Botërorit 2026, polakët nuk falin në shtëpinë e tyre
Nga OraNews Përditësimi i fundit 26 Mars 2026, 20:53
Kombëtarja shqiptare e futbollit nuk ia doli te realizojë ëndrrën e saj ndaj Polonisë në stadiumin “PGE Narodowy” të Varshavës gjysmëfinalen e “play-off”-it të Botërorit.
Në minutën e 42-të Arbër Hoxha kalon në avantazh kuqezinjtë, por Lewandowski dhe Zielinski na zbritën me këmbë në tokë, edhe pse kuqezinjtë patën rastet e tyre.
NDESHJA
Ndeshja nisi me ritëm të lartë, me vendasit që rrezikuan që në minutat e para, ku Robert Lewandowski provoi brenda zonës, por tentativa e tij u devijua në këndore. Presioni i polakëve vijoi, ndërsa në minutën e 7-të ishte Elseid Hysaj që shpëtoi portën me një ndërhyrje vendimtare me kokë.
Problemet për Shqipërinë nisën herët, pasi në minutën e 17-të Ardian Ajeti u detyrua të largohej për shkak dëmtimi, duke i lënë vendin Ardian Ismajli. Megjithatë, momenti më i mirë për kuqezinjtë erdhi në minutën e 42-të. Arbër Hoxha përfitoi nga një gabim në prapavijën polake, kaloi portierin dhe dërgoi topin në rrjetë, duke kaluar Shqipërinë në avantazh dhe duke mbyllur pjesën e parë me shifrat 0-1.
Në pjesën e dytë, Polonia reagoi fuqishëm. Në minutën e 63-të, Robert Lewandowski barazoi shifrat me një goditje me kokë, duke kërcyer mbi mbrojtjen shqiptare. Vetëm dhjetë minuta më pas, në minutën e 73-të, Piotr Zielinski realizoi golin e përmbysjes me një goditje të bukur nga distanca, duke i dhënë avantazhin vendasve.
Trajneri Sylvinho vonoi me disa zëvendësime. Por nga fundi hodhi në fushë Armando Broja dhe Muçin për të rritur forcën sulmuese. Në minutën e 72-të, Broja shërbeu një top të bukur për Pilon, por tentativa e këtij të fundit u ndal nga portieri kundërshtar. Në minutat e fundit, Shqipëria tentoi të rikthehej në lojë, por pa arritur të gjejë golin e barazimit. Zëvendësimi i fundit erdhi në minutën e 82-të, kur Muçi mori vendin e Laçit, por rezultati mbeti i pandryshuar.
Rasti më fantastik ishte për Shqipërinë ku Bajrami i vetëm përballë portierit polak nuk shënoi sepse e nxori jashtë portës topin. Dhe si rregull kur nuk shënon do ta pësosh.
Kaq ishte endërra shqiptare, kurse Kosova fitoi në Sllovaki 4 me 2 kundrejt ekipit vendas. Pra Kosova do ta vazhdojë endërren të martën ku do të ndeshet me Turqinë në Prishtinë.
Për trajnerin Sylvinjo kaq ishte qëndrimi në Shqipëri.
POLONI-SHQIPËRI 2-1
73’ Gol – Në momentin tonë më të mirë, Polonia gjen dhe golin e dytë me Zielinskin që shënon me një goditje nga distanca.
72’ Mundësi tjetër e artë e shpërdoruar nga Shqipëria. Broja asiston për Stavro Pilo, por tentativa e këtij të fundit ndalet nga portieri.
63' Lewandowski shenon golin e barazimit
53’ E pabesueshme çfarë humbasim. Goli i dytë ishte thuajse i realizuar falë një kundërsulmi fantastik nga Elseid Hysaj, por Nedim Bajrami bën gjithcka keq në zonë, duke e dërguar topin jashtë kuadratit.
47’ Dalje shumë e mirë e kuqezinjtë, por në fund asnjë nuk e shfrytëzon pasimin e Arbër Hoxhës në zonë
42′ GOOOOL Shqipëria shënon në Varshavë, super Hoxha
36’ Laçi provon me një gjuajtje të fortë me të majtën, por shkon mbi kuadrat.
17′ Ajeti lë fushën i dëmtuar dhe në vendin e tij futet Ismajli.
10’ Ajeti kërkon karton për goditje nga Lewandowski. Arbitri Taylor akordon vetëm faull.
7’ Hysaj na shpëton nga pësimi i golit duke shpëtuar portën në vijën anësore me një goditje me kokë që e çon jashtë
5’ Polakët krijojnë rastin e parë të rrezikshëm me një aksion të gjatë që finalizohet nga Lewandowski, por në fund topi devijohet jashtë
1’ Starton ndeshja në Varshavë
FORMACIONET
