DRAFTI PËR REFERENDUMET/ Kaso: Kjo është iniciativë për ndryshime kushtetuese, po shmanget konsensusi politik
Nga OraNews Përditësimi i fundit 25 Mars 2026, 21:04
I ftuar në studion e emisionit "Ora e Betit" ka qenë eksperti ligjor Ivi Kaso i cili ka folur për draftin e ri për referendumet që po qarkullon në qarqet politike.
Sipas tij, deri tani nuk ka një dokument zyrtar të dorëzuar në Kuvend, por fragmentet që janë bërë publike tregojnë për një ligj të detajuar, që i ngjan një “mini kodi elektoral”.
“Deri më sot nuk ka një draft zyrtar të përcjellë për deputetët, por nga ajo që qarkullon duket një ligj shumë i detajuar, një mini kod elektoral që është përgatitur prej kohësh.”-tha Kaso.
Kjo nismë vjen në një moment kur çështja e referendumeve është kthyer në një prioritet të ri politik për Kryeministrin Edi Rama, ndonëse më parë nuk ka qenë pjesë e axhendës urgjente të mazhorancës.
Kaso sjell në vëmendje se prej vitit 2012, diskutimi për referendumet është refuzuar vazhdimisht, me argumentin se është një temë komplekse dhe kërkon kohë dhe konsultim të gjerë.
“Kjo është një iniciativë që duket qartë se lidhet me interesin për të hapur rrugën për ndryshime kushtetuese, pavarësisht qëndrimeve të opozitës.”- u shpreh ai.
Sipas analizës së tij, drafti mund të përdoret si një instrument për të anashkaluar nevojën për konsensus politik dhe për të çuar përpara nisma të rëndësishme përmes referendumit.
NDIQNI EMISIONIN E PLOTË "ORA E BETIT":
