"Do vijojnë foltoret dhe protestat"/ Vokshi: Qeveria nuk i ndjen vështirësitë e qytetarëve, rritja e çmimeve po thellon pakënaqësinë
Nga OraNews Përditësimi i fundit 23 Mars 2026, 12:13
Në një lidhje direkte për Ora News, deputetja e Partisë Demokratike, Albana Vokshi, foli për vazhdimin e protestave dhe aksionit opozitar në vend.
Sipas saj, protestat nuk ndalen pavarësisht ditës së festës së Novruzit, dhe pjesëmarrja e qytetarëve ishte masive.
Qytetarë, demokratë dhe individë pa parti dolën për të shprehur pakënaqësinë ndaj situatës politike dhe ekonomike nën qeverisjen e mazhorancës.
“Edhe sot para Kryeministrisë do të kemi foltore, sikurse dhe protesta të tjera në Durrës dhe qytete të tjera,” tha Vokshi.
Ajo shtoi se zemërimi qytetar lidhet me nivelet e larta të korrupsionit dhe pasojat e politikave qeveritare mbi ekonominë.
“Qeveria nuk ndjen vështirësitë ekonomike të qytetarëve, çmimet e larta të karburantit dhe të produkteve të tjera po thellojnë pakënaqësinë.”-shtoi Vokshi.
Ndiqni intervistën e plotë:
