AKSIDENT FATAL NË AKSIN KORÇË-MALIQ/ Përplasen "kokë më kokë" dy makina, ndërron jetë ish-polici i burgjeve (EMRI)
Nga OraNews Përditësimi i fundit 18 Mars 2026, 17:13
Një aksident rrugor ka ndodhur në aksin Korçë–Maliq, pranë fshatit Lumalas, ku janë përfshirë dy mjete.
Si pasojë, disa persona u lënduan, ndërsa drejtuesi i njërit prej mjeteve, 45-vjeçari Krenar Çekiçi, ka ndërruar jetë në spitalin e Korçës.
Mësohet se Çekiçi ishte punonjës i policisë së burgjeve pranë IEVP Drenovë.
Pavarësisht përpjekjeve të mjekëve për t’i dhënë ndihmën e nevojshme, ai nuk ka mundur të mbijetojë.
Ngjarja po hetohet nga autoritetet për të përcaktuar shkaqet e aksidentit.
