Tritol kompanisë së inerteve në Spaç, policia nis hetimet
Nga OraNews Përditësimi i fundit 16 Mars 2026, 11:57
Një sasi lënde eksplozivi është konstatuar mëngjesin e kësaj të hëne pranë makinerive të një kompanie inertesh në zonën e Spaçit, në Mirditë.
Sipas informacioneve në media, lënda plasëse është vënë re nga punonjësit e kompanisë, të cilët kanë njoftuar policinë. Fatmirësisht ajo nuk ka shpërthyer.
Në vendngjarje pritet të mbërrijnë forcat xheniere për të bërë çaktivizimin e lëndës plasëse, ndërsa policia ka nisur hetimet për të zbardhur rrethanat e vendosjes së saj.
