Ludwig Göransson fiton Oscar për muzikën e filmit ‘Sinners’.
Nga OraNews Përditësimi i fundit 16 Mars 2026, 08:18
Kompozitori suedez Ludwig Göransson fitoi çmimin Oscar për muzikën më të mirë origjinale për filmin “Sinners” në ceremoninë e 98-të të ndarjes së çmimeve Academy Awards.
Gjatë fjalimit të tij, Göransson theksoi ndikimin e madh që muzika blues pati në jetën e familjes së tij.
“Babai im bleu albumin e tij të parë të blues-it në Suedi, në vitin 1964”, tha Göransson. “Edhe pse vinte nga ana tjetër e botës, nga një vend ku babai im nuk kishte qenë kurrë dhe me të cilin nuk kishte lidhje, muzika ishte aq e fuqishme sa ndryshoi jetën e tij.”
Sipas kompozitorit, ai album i parë blues i blerë nga babai i tij në Suedi në vitin 1964 pati një ndikim të thellë në familjen e tyre dhe në rrugëtimin e tij muzikor.
Göransson është një nga kompozitorët më të njohur të muzikës së filmit në Hollywood dhe ka fituar vlerësime ndërkombëtare për kolonat zanore të disa prej filmave më të suksesshëm të viteve të fundit.
