PD NË KËMBË, PS VOTAT NË DORË! Kuvendi voton ndryshimet e Qeverisë, ministrat e rinj marrin nga 83 vota
Nga OraNews Përditësimi i fundit 5 Mars 2026, 11:02
Seanca plenare e kësaj të enjteje nisi me 1 minutë heshtje në nderim të heroit Adem Jashari dhe familjes së tij, ku më 5 mars 1998 Serbia nisi sulmet ndaj familjes Jashari në Prekaz.
Kjo minutë heshtje u mbajt me kërkesë nga Partia Socialiste dhe të kërkuar nga kreu i grupit parlamentar Taulant Balla.
Sakaq, Partia Demokratike kërkoi mbajtjen e 1 minutë heshtjeje për ish-deputetin Tomor Dosti, i cili u nda një ditë më parë nga jeta.
Sakaq pas debateve për procedurë për mosfutjen në rendin e ditës së raporteve të grupeve parlamentare mbi kërkesën e Prokurorisë së Posaccme për heqjen e mandatit të deputetes për Belinda Ballukun, seanca vijoi me votimin e ndryshimeve në kabinetin qeveritar.
Katër ministrat e rinj të qeverisë ndodheshin të ulur në lozhat e Kuvendit teksa po prisnin votëbesimin e deputetëve për t’u betuar më pas përpara Presidentit të Republikës për marrjen e detyrës.
Votëbesimin do e merrnin edhe ministrat e tjerë, të cilët kanë ndryshuar dikaster.
7 NDRYSHIMET NË QEVERINË “RAMA 4”
Albana Koçiu zv.kryeministre - zëvendëson Belinda Ballukun
Enea Karakaçi ministër i Infrastrukturës dhe Energjitikës - zëvendëson Belinda Ballukun
Besfort Lamallari ministër i Brendshëm - zëvendëson Albana Koçiun
Toni Gogu ministër Drejtësie - zëvendëson Besfort Lamallarin
Ferit Hoxha ministër i Jashtëm - zëvendëson Elisa Spiropalin
Ermal Nufi ministër i Mbrojtjes - ikën Pirro Vengu
Eriona Ismaili ministër për Marrëdhëniet me Parlamentin - zëvendëson Toni Gogun
VOTIMET E KUVENDIT
Mazhoranca votoi me 83 vota pro ndryshimet në shtatë ministri gjatë një seance parlamenti të shoqëruar me debate dhe bllokim të foltores nga ana opozitës.
Gjatë procesit të votimit, shkarkimi i zv.kryeministres Belinda Balluku mori numrin më të madh të votave pro, 85, ndërsa ajo që ra në sy ishte vota kundër e Sali Berishës dhe Jozefina Topallit për shkarkimin e ministres së Jashtme, Elisa Spiropali.
Sa i përket ministrave të rinj, deputetët e Partisë së Lirisë dhe disa nga deputetët e PD-së votuan kundër, ndërsa shumica e tyre nuk morën pjesë në votim.
Dekreti për shkarkimin e zv. kryeministres Belinda Balluku
Votimi: 85 pro, 0 abstenim, 0 kundër
Dekreti për shkarkimin e ministres së Jashtme Elisa Spiropali
Votimi: 83 pro, 0 abstenim, 2 kundër
Dekreti për shkarkimin e ministrit të Mbrojtjes, Pirro Vengu
Votimi: 81 pro, 0 abstenim, 0 kundër
Dekreti për shkarkimin e Ministres së Brendshme, Albana Koçiu
Votimi: 83 pro, 0 abstenim, 0 kundër
Dekreti për shkarkimin e ministrit të Drejtësisë, Besfort Lamallari
Votimi: 83 pro, 0 abstenim, 0 kundër
Dekret për shkarkimin e ministrit për marrëdhëniet me Parlamentin, Toni Gogu
Votimi: 82 pro, 0 abstenim, 0 kundër
Dekret për emërimin e zv.kryeministres Albana Koçiu
Votimi: 83 pro, 0 abstenim, 3 kundër
Dekreti për emërimin e ministrit të Jashtëm, Ferit Hoxha
Votimi: 83 pro, 0 abstenim, 4 kundër
Dekreti për emërimin e ministrit të Brendshëm, Besfort Lamallari
Votimi 83 pro, 0 abstenim, 4 kundër
Dekreti për emërimin e ministrit të Mbrojtjes, Ermal Nufi
Votimi 83 pro, 0 abstenim, 6 kundër
Dekreti për emërimin e ministrit të Drejtësisë, Toni Gogu
Votimi 83 pro, 0 abstenim, 5 kundër
Dekreti për emërimin e ministrit të Infrastrukturës, Enea Karakaçi
Votimi 83 pro, 0 abstenim, 6 kundër
Dekreti për emërimin e ministrit të marrëdhënieve me Parlamentin, Eriona Ismaili
Votimi 82 pro, 0 abstenim, 4 kundër
