Roma rikthehet, fiton pastër ndaj Cremoneses
Nga OraNews Përditësimi i fundit 23 Shkurt 2026, 07:01
Roma u rikthye te fitorja në Serinë A. Verdhekuqtë triumfuan pastër 3-0 në shtëpi ndaj Cremoneses, duke arritur Napolin në kuotën e 50 pikëve, ndërsa lënë pas Juventusin.
Ndeshja nisi me ritëm të ulët dhe me pak raste të pastra, ndërsa Mancini goditi traversën në pjesën e parë.
Në fillim të fraksionit të dytë u zhbllokua rezultati, kur Cristante shënoi me kokë pas një goditjeje këndi.
Kryeqytetasit vazhduan të ushtronin presion dhe gjetën edhe golin e dytë me N’Dicka, që realizoi pas një situate të zhvilluar nga këndi.
Miqtë tentuan të reagojnë në kundërsulm, por nuk arritën të konkretizonin. Në minutat e fundit, Pisilli shënoi për 3-0 dhe mbylli përfundimisht takimin.
Me këtë fitore, Roma forcoi pozitat në zonën e sipërme të renditjes, ndërsa Cremonese mbeti në pjesën e poshtme të tabelës.
