PAMJET/ Kryeministri Rama nis vizitën zyrtare në Kosovë, pritet nga presidentja Osmani
Nga OraNews Përditësimi i fundit 16 Shkurt 2026, 11:56
Kryeministri Edi Rama ka nisur vizitën e tij në Kosovë, në kuadër të 18-vjetorit të pavarësisë së saj, që festohet nesër, më 17 shkurt.
Kreu i qeverisë ka mbërritur në Prishtinë, ku është pritur nga presidentja Vjosa Osmani, me të cilën zhvilloi një takim kokë më kokë.
Zyra e shtypit e kryeministrit Rama ndau foto nga takimi i zhvilluar në zyrën e presidentes Osmani.
Gjatë qëndrimit në Prishtinë, kryeministri Rama, pas takimit me presidenten Osmani, pritet të takohet edhe me kryeministrin Albin Kurti.
Rama gjithashtu do të marrë pjesë në promovimin e librit “Kur heshtja flet” të autorit Ahmet Shala, si dhe do të mbajë një leksion të hapur me të rinjtë e Universitetit “Hasan Prishtina” dhe nxënësit e gjimnazit “Sami Frashëri”.
