FOTO+VIDEO/ KRYEMINISTRIA NË FLAKË! Protestuesit hedhin molotovë drejt godinës, kundërpërgjiget policia

Nga OraNews Përditësimi i fundit 10 Shkurt 2026, 18:54

Partia Demokratike zhvillon sot një protestë përpara Kryeministrisë, duke kërkuar largimin e qeverisë dhe krijimin e një ekzekutivi teknika.

Për ruajtjen e rendit dhe sigurisë janë angazhuar mbi 1.000 efektivë të Policisë së Shtetit, ndërsa godina e Kryeministrisë është e mbrojtur me masa metalike për të parandaluar trazira.

Ndërkohë, Ambasada e SHBA-së në Tiranë ka këshilluar qytetarët amerikanë të shmangin zonën e protestës dhe ka bërë të ditur kontaktet emergjente për çdo rast.

Pas disa fjalimeve të figurave opozitare është ngjitur në podium kreu i PD-së Sali Berisha për të mbajtur fjalën e tij.

Në protestë është parë dhe ish-deputeti Salianji i cili muajt e fundit ka qenë kritikë ndaj Berishës dhe strukturave drejtuese.

Por këtë të martë, gjatë protestës të thirrur nga Partia Demokratike, u regjistruan tensione pas fjalimit të fundit të kreut të PD-së, Sali Berisha.

Disa protestues hodhën molotovë drejt Kryeministrisë dhe kordonit të policisë, duke krijuar situatë të tensionuar. Nga incidenti nuk raportohet për të lënduar.

Lajmi në përditësim ...