Tomorri: Varfëria, mungesa e shërbimeve dhe padrejtësia po i detyrojnë shqiptarët të largohen
Nga OraNews Përditësimi i fundit 15 Janar 2026, 22:42
I ftuar në Syri TV, me moderatore Sonila Meçon, gazetari Klodian Tomorri ka analizuar arsyet reale që qëndrojnë pas emigrimit masiv të shqiptarëve dhe vendimeve të Shteteve të Bashkuara lidhur me përfitimin e ndihmave sociale.
Sipas tij, kjo nuk është çështje paragjykimi apo aftësie individuale, por pasojë direkte e varfërisë strukturore, mungesës së shërbimeve publike, drejtësisë dhe sigurisë sociale në Shqipëri.
Tomorri thekson se kur një vend nuk u garanton qytetarëve spitale, shkolla dhe drejtësi funksionale, emigrimi dhe mbijetesa përmes skemave sociale në vendet pritëse bëhen një realitet i pashmangshëm.
Klodian Tomorri: Unë nuk habitem fare sepse aty ka ndodhur një gjë e thjeshtë. Presidenti i Shteteve të Bashkuara ka marrë listën e kombësive që ka më shumë ngarkesë te skemat sociale. Dhe ka thënë, kush janë kinezët. 70% e kinezëve që kam në Amerikë janë në skemë sociale, duan para, i mbaj unë nga qeveria. Shqiptarët... Ata kanë nxjerrë... Tani të themi ne pse shqiptarët në Amerikë jetojnë me ndihmë sociale... Unë nuk e di, ndoshta shqiptarët nuk janë të zotët.
Po janë në SHBA, nuk janë në një vënd kaq... Kjo është çështje tjetër. Ky është një emigracion... Janë dy gjëra se po vijnë... Janë dy gjëra, numri absolut i shqiptarëve që, apo relativ në raport me popullsinë, që emigrojnë jashtë është një çështje tjetër, dhe numri relativ i shqiptarëve që janë në Amerikë, të cilët shkojnë marrin ndihmë sociale, është një tjetër gjë.
Vendimi i SHBA-së është kjo. Je një vend i varfër. Je një vend ku nuk ke shërbime publike, nuk ke spitale, nuk ke shkolla. Je një vend ku nuk ke drejtësi. Je një vend ku qytetari e percepton çdo ditë që përballet me padrejtësinë kur shkon në dyert e institucioneve të shtetit, e të tjerë e të tjerë. Pra, këto janë faktorët që i çojnë shqiptarët të marrin trastat në kurriz edhe të ikin në një vend tjetër.
