Përmbytjet në Myzeqe/ Serat nën ujë, dëme të mëdha për fermerët dhe ekonominë
Nga OraNews Përditësimi i fundit 14 Janar 2026, 08:52
Që nga nëntori 2025, zonat bujqësore të Myzeqesë janë përmbytur tre herë, duke shkaktuar dëme të rënda në sera, prodhim dhe blegtori.
Fermerët fajësojnë jo vetëm reshjet, por sidomos keqmenaxhimin e digave, hapjen e portave të hidrocentraleve pa paralajmërim dhe bllokimin prej vitesh të kanaleve kulluese.
Ekspertët vlerësojnë se rreth 40 mijë hektarë janë përmbytur deri tani, ndërsa zonat e prekura kontribuojnë në mbi 65% të prodhimit të perimeve dhe rreth 80% të eksporteve të produkteve të freskëta. Situata pritet të ndikojë negativisht si në të ardhurat e fermerëve, ashtu edhe në çmimet dhe eksportet bujqësore të vendit.
