“Fëmijët po ngrijnë në klasë!” – Shkolla ‘9 Tetori’ pa ngrohje, prindërit të shqetësuar
Nga OraNews Përditësimi i fundit 13 Janar 2026, 07:45
Një grua ka telefonuar në emisionin “Ora Juaj” në Ora News, duke kërkuar ndihmë për kushtet në shkollën “9 Tetori” në Sarandë.
Sipas denoncimit të saj, në ambientet e shkollës nuk ka asnjë ngrohëse, ndërsa fëmijët janë të detyruar të zhvillojnë mësimin në temperatura shumë të ulëta.
“Fëmijët po dridhen nga i ftohti. Nuk ka asnjë ngrohje në shkollë,” u shpreh ajo gjatë telefonatës, duke theksuar se situata është e papranueshme dhe rrezikon shëndetin e nxënësve.
