Zelensky shkarkon kreun e SBU-së, organizimi i ri i l*ftës mes udhëheqësve të lartë ukrainas
Nga OraNews Përditësimi i fundit 6 Janar 2026, 16:46
Presidenti ukrainas Volodymyr Zelenskiy ka shkarkuar kreun e Shërbimit të Sigurisë së Ukrainës (SBU), Vasyl Maliuk, duke emëruar në detyrë Gjeneral Major Yevhenii Khmara, ndërsa vijon një riorganizim të zyrtarëve të lartë në qeveri dhe agjencitë kyçe të sigurisë.
Ky lëvizje vjen ndërsa lufta me Rusinë i afrohet katër viteve, pa ndonjë përfundim të afërt, pavarësisht përpjekjeve intensive diplomatike.
Maliuk, i cili drejtoi SBU-në që nga viti 2022, mbikqyri operacione të rëndësishme, përfshirë një seri vrasjesh dhe operacionin e koduar “Rrjeti i Merimangës”, që shkatërroi një bazë fluturakesh luftarake ruse.
Khmara, i emëruar tani në krye të agjencisë, është një komandant me përvojë i njësisë elitare Alfa, ku shërbeu që nga viti 2011 dhe e udhëhoqi që nga viti 2023.
Zelenskiy ka kërkuar që Maliuk të përqendrohet te operacionet luftarake, duke theksuar nevojën për më shumë veprime asimetrike kundër forcave ruse dhe rezultate më të forta në neutralizimin e armikut.
Ky riorganizim përfshin edhe emërimin e Kyrylo Budanov, shefi i spiunazhit ushtarak, si shef i stafit, në vend të Andriy Yermak, i shkarkuar më parë për shkak të një skandali korrupsioni, dhe Zëvendësministrin e Parë të Jashtëm Serhiy Kyslytsia si zëvendës të parë të Budanov, duke sjellë përfaqësues të ekipit negociator në administratë.
Lufta me Rusinë vazhdon, ndërsa kjo e fundit mban rreth një të pestën e territorit ukrainas, përfshirë Krimenë.
Sidoqoftë, Kievi raporton se forcat ukrainase kanë shkaktuar humbje të konsiderueshme në front dhe përparimet e arritura kanë pasur impakt të rëndësishëm mbi pozicionet ruse.
Ky riorganizim i udhëheqësve të lartë shihet si një përpjekje e Zelenskiy për të forcuar drejtimin strategjik të agjencive të sigurisë dhe administratës gjatë një periudhe kritike të konfliktit.
