Përmbytet burgu në Durrës/ Lamallari inspekton situatën, ujë në oborr dhe në disa zyra administrative (VIDEO)
Nga OraNews Përditësimi i fundit 6 Janar 2026, 13:57
Ministri i Drejtësisë, Besfort Lamallari, ka zhvilluar një inspektim në burgun e Durrësit pas situatës së krijuar nga reshjet e dendura të shiut.
Sipas raportimeve, në ambientet e institucionit është konstatuar prezencë uji në oborr dhe në disa zyra të administratës.
Nga verifikimet rezulton se në qelitë e të dënuarve dhe paraburgosurve nuk ka pasur probleme të theksuara, ndërsa sasia e ujit ka qenë minimale dhe e menaxhueshme.
Inspektimi u fokusua në vlerësimin e gjendjes së infrastrukturës dhe garantimin e sigurisë dhe kushteve për personat që vuajnë dënimin.
