PAMJE/ Aksident i rëndë në "Rrugën e Qelqit", një makinë përmbyset, tjetra depërton kancelarinë
Nga Amarda Vishnaj Përditësimi i fundit 15 Dhjetor 2025, 19:27
Një aksident i fortë rrugor ka ndodhur në Rrugën e Qelqit, në zonën e Kombinatit, ku janë përfshirë dy automjete.
Si pasojë e përplasjes, njëra makinë është përmbysur në mes të rrugës, ndërsa automjeti tjetër ka dëmtuar një dyqan kancelarie.
Sipas burimeve për "Ora News", përplasja ka qenë e fortë, duke shkaktuar dëme të konsiderueshme materiale.
Ende nuk dihet nëse ka persona të lënduar.
Aksidenti ka shkaktuar vështirësi në qarkullimin e automjeteve në këtë aks rrugor.
