Më pak interes për mësimin?! Llazo: Interesi i procesit të të nxënit, vitet e fundit ka ardhur në ulje
Nga Katerina Hysenllari Përditësimi i fundit 10 Dhjetor 2025, 15:57
Ekspertja e arsimit, Ana Llazo në një intervistë në Ora News u shpreh se interesi i procesit të të nxënit në vitet e fundit ka ardhur në ulje.
Llazo: E parë nga këndvështrimi im, interesi i procesit të të nxënit në përgjithësi këto vitet e fundit ka ardhur në ulje.
Në mos gaboj kemi diskutuar edhe herë të tjera në studion tuaj përsa i përket botës dixhitale dhe teknologjisë.
Dhe unë mendoj se ky është një faktor i cili ka ndikuar shumë thellësisht në ditët e sotme.
Ky proces i të nxënit pra që vjen gjatë gjithë kohës në ulje, unë mendoj që duhet parë më së miri dhe duhet rishikuar mënyra sesi këta nxënës marrin informacionin apo marrin mësimet e leksionet.
Dhe më pas mendoj që duhet një formë apo një qasje e re, një formë ndryshimi dhe një qasje re për ta përballuar këtë sfidë që nuk është vetëm për nxënësit por gjithashtu edhe për edukatorët në përgjithësi pra për mësuesit dhe pedagogët.
