Tentoi të vidhte automjete dhe sende me vlerë në Maminas, arrestohet 54-vjeçari
Nga OraNews Përditësimi i fundit 2 Dhjetor 2025, 14:15
Policia e Shijakut ka arrestuar një shtetas 54 vjeç nga Torino të identifikuar më inicialet M.S., , i cili dyshohet të ketë marrë pjesë në disa episode vjedhjesh në zonën e Maminasit.
Ai kishte tentuar të vidhte më para dy automjete dhe sende me vlerë nga një automjet tjetër në po të njëjtën zonë .
Blutë kanë sekuestruar sendet e vjedhura.
Njoftimi i policisë:
Shijak
Finalizohet operacioni policor i koduar "I huaji".
Tentoi të vidhte dy automjete, si dhe në një automjet tjetër vodhi sende me vlerë; identifikohet dhe vihet në pranga 54-vjeçari nga Torino.
Shërbimet e Komisariatit të Policisë Shijak, pas marrjes së njoftimit për tentativën për vjedhjen e dy automjeteve në Maminas të Shijakut, organizuan menjëherë punën për identifikimin dhe kapjen e autorit.
Si rezultat i veprimeve të shpejta hetimore dhe operacionale, u bë e mundur identifikimi dhe ndalimi i shtetasit:
M. S., 54 vjeç, banues në Torino, Itali.
Nga veprimet hetimore të kryera, rezultoi se ky shtetas kishte tentuar të vidhte dy automjete në Maminas, Shijak.
Po nga veprimet hetimore, rezultoi se ky shtetas kishte vjedhur sende me vlerë edhe në automjetin e një shtetasi tjetër, në Maminas.
Në cilësinë e provës materiale, u sekuestruan sendet e vjedhura.
Materialet procedurale iu referuan Prokurorisë pranë Gjykatës së Shkallës së Parë Durrës, për veprën penale "Vjedhja".
