VIDEO/ Me mendjen tek goglat e Play-Off, Asllani: Tani presim emrin e kundërshtarit që do kemi në mars
Nga OraNews Përditësimi i fundit 16 Nëntor 2025, 20:47
Shqipëria u mund 0-2 nga Anglia në “Air Albania, duke mbyllur me humbje fushatën kualifikuese të Botërorit.
Pas ndeshjes, Kristjan Asllani u shpreh i kënaqur me paraqitjen e ekipit mbrëmjen e sotme.
Por pavarësisht zhgënjimit të minutave të fundit, Asllani theksoi se tashmë duhet të përqendrohemi tek kundërshtari që do kemi në mars të vitit të ardhshëm.
NDESHJA E SOTME
Të kualifikuar për në fazën play-off të Botërorit, ndaj Anglisë, Sylvinho vërtetoi se e gjithë vemendja e kuqezinjve është te sfidat e marsit, kjo u pa qartë edhe te formacioni titullarë ku kurseu 4 nga 5 lojtarët që rrezikonin sfidat e play-off. Ashtu siç pritej, Anglia e nisi sfidën në sulm, por pa kërcënuar seriozisht portën e Strakoshës.
As Shqipëria nuk qendëroi pasive madje Hysaj tentoi edhe një gol për katalog, por goditja e tij përfundoi pak mbi traversë.
Pa presion dhe me dëshirën për të vënë në jetë një tjetër arritje historike, Shqipëria vendosi në siklet Anglinë me disa zbritje të rrezikshme me Arbër Hoxhën.
Të kualifikuar si kokë grupi, Anglia e mori me qetësi fraksionin e parë, ku rastin e parë të rrezikshëm e shënuan në minutën e 37-të ku goditja e Boue dhe Kuensa vunë në lëvizje portierin Strakosha. Pjesa e parë e këtij takimi luksi u mbyll në barazim pa gola.
Në pjesën e dytë, ekipi i Tuchel realizoi dy herë me Kane. Gjithsesi, asgjë për t’u shqetësuar për Shqipërinë, që bëri një ndeshje të mirë dhe tashmë do mendojë për Play Off e Botërorit. Anglia e mbyll pa pësuar gol, një rekord fantastik ky i “3 luanëve”.
VIDEO - NDIQNI TE GJITHA ZHVILLIMET NGA "AIR ALBANIA" PAS NDESHJES
